एका त्या क्षणी...
भेटलास एका त्या क्षणी असा
सारी स्वप्नं जागी झाली,
नाजुक हळव्या ओंजळीने
तुलाच भरुन घ्यायला लागली...
बोललास एका त्या क्षणी असा
वाटलं जग इथेच थांबावं,
वा-यानेही किंचित मान वळवुन
आपल्या मनीचं गुजं जाणावं...
हसलास एका त्या क्षणी असा
प्राजक्ताचा सडा अगंणी पडला,
तुझ्यासह जोडीने फ़िरताना
त्याचाच घमघमाट जाणवला...
हसवलसं एका त्या क्षणी असं
डोळ्यातलं पाणी उडुन गेलं,
तुझ्या मायेच्या शब्दांनी
ते ही घाबरुन पळुन गेलं..
होशील माझा एका त्या क्षणी असा
मी सर्वांगी मोहरुन जाईन,
सुखाच्या मोरपीसावरुन फ़िरताना
तुझ्या संसारात रंगुन जाईन...
-- प्राजक्त
